၂၀၂၄ မှာ Smartphone Brand အတော်များများက AI ဖုန်းတွေကို ချပြမိတ်ဆက်လာကြတယ်။ ဒီထဲ Oppo လည်းအပါအဝင်ဖြစ်ပြီး အကြောင်းတိုက်ဆိုင်စွာနဲ့ AI Phone ဆိုတဲ့ အမည် နဲ့ တွဲမြင်အခံရဆုံးဖြစ်နိုင်တဲ့ Series ဖြစ်တဲ့ Oppo Reno 12 Series ကို ချပြမိတ်ဆက်ခဲ့ပါတယ်။ ထူးထူးခြားခြားပဲ ဒီဖုန်းက စတင်မိတ်ဆက်ချိန်ကတည်းက အခြား Brand တွေထက် ပိုပြီး ရေပန်းစားသွားတယ်။
ဘာကြောင့်ပါလဲ ။ ဒီအကြောင်းကို အခု Review ရဲ့ အဆုံးမှာပြောပြပေးသွားမှာမလို့
ဖုန်းတစ်လုံးရဲ့ တန်ဖိုးကိုသတ်မှတ်ကြတဲ့ အခြားအပိုင်းတွေက စ အရင်ဆုံးပြောပြပေးပါမယ်။
အရင်ဆုံး ဒီဇိုင်းပိုင်းက စပြောရရင်တော့ ကြိုက်သူကော မကြိုက်သူပါရှိလောက်မယ့် Design မျိုးပါပဲ။
လူငယ်ဆန်ပြီး Innovative ဖြစ်တယ်လို့ ပြောနိုင်မယ့် Nebula Silver ၊ Space Brown ၊ Sunset Gold တို့ကို
Modern ဖြစ်မယ့် Design Shape တွေနဲ့အသုံးပြုပေးထားတယ် ။ အတော်လေးလှပြီး ခေတ်ဆန်တယ်။ ဒါပေမယ့် Masculinity နည်းနည်း အားနည်းနေတဲ့ ဒီဇိုင်းမျိုးလို့ ပြောလို့ရတယ်။ ဒီအတွက်ကြောင့်ပဲ အမျိုးသမီးတွေကတော့ ပိုပြီးနှစ်သက်နိုင်တယ်။ အမျိုးသားတွေ သိပ်မကြိုက်ဘူးဖြစ်နေတာက ဒီအချက်ကြောင့်လို့ ပြောလို့ရတယ်။
Frame Type က Plastic Frame အမျိုးအစားဖြစ်ပြီးတော့မှ အကြမ်းခံနိုင်အောင် ပြုလုပ်ထားတယ်။ Curved Shape ကိုမှ Weight က 177g ပဲဆိုတော့ ပေါ့ပေါ့ပါးပါးလေးပဲ။ All-Round Armour ဖြစ်လို့ Hardware အစိတ်အပိုင်းတိုင်းကို အကြမ်းခံတဲ့အရာတွေသုံးပေးထားတာကတော့ အမှတ်ပေးချင်စရာပဲ။
Camera ပိုင်းမှာတော့ Main Camera ကို 50MP သုံးပေးထားပြီး Selfie ကိုတော့ 32 MP Camera ကိုသုံးပေးထားတယ်။ ကျွန်တော်စမ်းကြည့်ရသလောက်တော့ ရုပ်ထွက်မိုက်တယ် ။ ဒီ Reno Series မှာက အရင် Model တွေထက်ပိုပြီး Natural ဆန်ဆန်ပုံတွေကို ရတာမလို့ ကင်မရာပိုင်းနဲ့ပတ်သက်ပြီး စိုးရိမ်စရာ မလိုတော့ဘူးလို့ပြောရမယ်။ 10X ထိ Zoom ချဲ့ရိုက်တာတောင်မှ Noise အရမ်းမများတာကိုတွေ့ရသလို iOS တွေမှာလိုပဲ Live Photo တွေလည်းရိုက်လို့ရလာတယ်။ ကင်မရာပိုင်းအရ ရွေးမယ်ဆိုရင်တော့ ဒီဈေးတန်းမှာ ဝယ်ဖို့ နှစ်ခါပြန်စဉ်းစားစရာမလိုလောက်အောင်ကို ပြည့်စုံတယ်လို့ သတ်မှတ်လို့ရနိုင်ပါတယ်။
ဖုန်းတစ်လုံးရဲ့ Performance ပိုင်းကို အဆုံးအဖြတ်ပေးမယ့် SOC ပိုင်းမှာတော့ Dimensity 7300 Energy သုံးပေးထားတာကို တွေ့ရတယ်။ Domestic 7300 Enery ဟာ Upper Mid-Range Level မှာ မဆိုးဘူးလို့ ပြောလို့ရတဲ့ Chipset ဖြစ်တယ်။ Battery ပိုင်းမှာတော့ 5,000mAh Battery နဲ့ ပုံမှန် ဒီဈေးဝန်းကျင်ဖုန်းတွေမှာပါလေ့ရှိတဲ့ ပမာဏအတိုင်းသုံးပေးထားတယ်။ Competitor တွေထက် မနိမ့်သလို သာလည်းမသာနေဘူး။ ဒီလို သူမသာကိုယ်မသာ အခြေအနေမျိုးမှာ TurnOver ဖြစ်စေမယ့် အရာတစ်ခုကို ထည့်လိုက်တာကတော့ အတော်ကြီးသဘောကျချင်စရာပါပဲ ။ လေးနှစ်အထိ အေးအေးဆေးဆေးအသုံးပြုနိုင်မယ့် Battery နဲ့ 80W Fast Charging အမြန်အားသွင်းစနစ် ဖြစ်ပါတယ်။ ဖုန်းအားစောင့်သွင်းရတာကို လူတိုင်း စိတ်ပျက်လာစပြုချိန်မှာ 80W Fast Charging နဲ့ဆိုတော့ အားသွင်းတာကို အလုပ်တစ်ခုလို့ သတ်မှတ်စရာကို မလိုတော့ဘူးဖြစ်သွားတယ်။ ဖုန်းတစ်လုံးလုံးကို အားအပြည့်သွင်းဖို့ 46 မိနစ်ပဲကြာတော့မယ်ဆိုတာက Performance ကောင်းကောင်းနဲ့ သုံးလို့ရမယ့် ဖုန်းတစ်လုံးကို အားသွင်းချိန်မကြာပဲ သုံးချင်တဲ့ သူတွေအတွက်အကြိုက်တွေ့စေမှာမျိုး ဖြစ်သွားပါတယ်။
နောက်ဆုံးအပိုင်းနဲ့ အတော်လေး ချီးကျူးရမယ့် Oppo Reno 12 ကို လူတွေကြားအောင်မြင်သွားစေတယ်လို့ ပြောလို့ရမယ့် အပိုင်းကို ပြောပါတော့မယ်။ ပိုက်ဆံပေးမှ သုံးလို့ရတဲ့ AI Features အတော်များများက Oppo Reno 12 မှာ Built-In အနေနဲ့ ပါဝင်လာတယ်ဆိုတဲ့ အကြောင်းပါပဲ။ Reno 12 မတိုင်ခင် Smartphone Brand အတော်များများက ချပြခဲ့တဲ့ AI Feature အတော်များများက တကယ့်လက်တွေ့မှာ အမြဲတမ်းသုံးနေဖို့ အလှမ်းဝေးခဲ့ပါတယ်။Reno 12 မှာပါလာတဲ့ Feature တွေကတော့ တကယ့်လက်တွေ့မှာ အတော်လေးအသုံးတည့်တဲ့အပြင် အသုံးပြုရ အရမ်းလွယ်ကူတာကလည်း ဒီ Series ကို AI Phone ဆိုတဲ့ နာမည်နဲ့ တွဲမြင်ရစေဖို့ ဖြစ်လာစေတယ်လို့ ယူဆနိုင်ပါတယ်။
AI Eraser 2.0 Support ပေးထားတဲ့အတွက် ဓါတ်ပုံရိုက်တဲ့ အခါ ၊ ဓါတ်ပုံထဲက မလိုချင်တဲ့ အရာ၀တ္တုတွေ ၊
ကိုယ်မလိုချင်တဲ့သူတွေရဲ့ပုံကိုဖျက်ပစ်တာတွေကို ကလစ်တစ်ချက်နှိပ်ရုံနဲ့ လုပ်လို့ရသွားသလို မျက်စိပိတ်နေတဲ့ပုံတွေကို မျက်စိပြန်ဖွင့်ပေးတာလိုမျိုး ၊ Group Photo ရိုက်တဲ့အခါ Focus မဖြတ်တဲ့သူကို Focus ပြန်ဖြတ်ပေးတာတွေကို အလွယ်တကူ လုပ်နိုင်သွားတယ်။ Background Remove လုပ်တာတွေကအစ ၊ အင်တာနက်ဖွင့်ထားရုံနဲ့ AI က အလိုအလျောက်ပြုလုပ်ပေးလို့ အတော်ကြီး မိုက်သွားပါတယ်။
Study လုပ်နေတဲ့သူတွေတွက် အဆင်ပြေစေတဲ့ သင်ခန်းစာတွေကို Note ထုတ်ပေးမယ့် AI Summary , Video Lecture တွေကို Note ထုတ်ပေးမယ့် AI Recording Summary တွေပါဝင်တဲ့အပြင်
မီတာ (၂၀၀) အတွင်းမှာ Oppo Reno 12 အချင်းချင်း Bluetooth နဲ့ချိတ်ပြီး ဖုန်းပြောလို့ရတဲ့ Beacon Link နဲ့
ဖုန်းပြောတဲ့အခါ တစ်ဖက်ကနေကြည်ကြည်လင်လင်ကြားနိုင်မယ့် AI Clear Voice လည်း ထည့်သုံးပေးထားတော့ လက်ရှိ လူတွေကြားထဲ ရေပန်းအစားဆုံး Ai Phone ဖြစ်ဖို့ အပြည့်အ၀ထိုက်တန်တယ်လို့ ဆိုရမှာဖြစ်ပါတယ်။
AI Feature တွေကို ခပ်မိုက်မိုက်သုံးချင်သူတွေအတွက် Mid Range တန်းဝန်းကျင်မှာ ပျော်ပျော်ကြီးဝယ်လို့ရမယ့် ဖုန်းဖြစ်ကြောင်းသုံးသပ်ရင်း နောက်ထပ် Review တွေကိုလည်း anycallmyanmar.com ရဲ့ Review ကဏ္ဍမှာ ပုံမှန်တင်ဆက်ပေးသွားပါမယ်ဆိုတဲ့ အကြောင်း တစ်ပါတည်းမိတ်ဆက်လိုက်ရပါတယ်။
